منتديات هجوله غير

منتديات هجوله غير


 
الرئيسيةس .و .جالتسجيلدخول

شاطر | 
 

 << الهجــــوله مـــآتفيد الا بتأديب آلحديــــد<<<

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
معـــززهـ
مهجول جديد
avatar

تاريخ التسجيل : 09/03/2010
المشاركات : 4
البلد : الميدان

مُساهمةموضوع: << الهجــــوله مـــآتفيد الا بتأديب آلحديــــد<<<   الأربعاء مارس 10, 2010 8:12 am

شوفو جنون الشباب السعودي ( الهجوله ماتفيد الا بتأديب الحديد) + هجولة عرابجة امريكا (بالصور)
ا

طبعا من المتعارف عليه ان الشباب السعودي اذا طفشو مسكوا السياره وراحوا يهجولون (يفحطون - يقحصون ) طبعا مايهجولون الا اذا هم في قمة طفشهم

ومن هذا المنطلق حبيت اعرف وش سالفه هالهجوله اللي مدوخه خلق الله

اليوم حبيت افصفص لكم موضوووع الهجووله اللي كان شاغل بالي ولاني عارفه وشهو

طبعا بعد ما اخذت لفه في قوقل مع عقده وعكسيه ونطلت لي كم نطله طلعت لكم بهالموضوع اللي هو عباره عن تجميعي

وان شالله ينال على استحسااانكم

ملاحظه :
انا اعتبر التفحيط هوايه والمفروض نحترمها ومانقلل من شأنها لكن بوجود عوامل وقايه << وهذي العوامل غير متوفره عندنا
واتمنىا ان تتوفر نوادي لصقل هالموهبه
واللي اكثر من يشتهر فيها شبابنا السعودي وعلى حسب علمي انهم يعتبرون التوب في هذا المجال


--------------------------------------------------------------------------------





تعريف الهجوله

المهجول:
هو شخص كارف مكروف يسوي اللي ما يتسوى لأجل انتاج شي مايقدر الشخص العادي إنه بسويه << وش رايكم بس

الهجولة:
هو عمل يسوونه الشباب فقط حيث يسوون تصرفات غريبه جديده شديدة العنف عشان يقول للعامه اتحداكم
تسوون مثلي ..!


* أسبابها : الطفش

* مميزاتها : الشعور بالوناسه

* عيوبها : احتمال توقيفك من قبل الدوريه


.. ديرتنا المملكة ومافيها من هجولة ..

الهجولة ماتصير عنيفة إلا إذا صار معك قروب شباب وبعض العوامل المساعدة ليتم التفاعل ويمثل بالمعادلة التالية :
المهجول +قروب شباب = أعلى درجات الزحف والعلوم السفرة في فن الهجولة العالمية



الهجولة يا طويلين العمر لها ثلاثة أنواع :
هجوله خفيفه - هجولة متوسطه - هجولة عنيفه.

الهجوله الخفيفه:

1. ماشي بالسيارة وتصادف زحمة سيارات وقتها مايردك الا الرصيف ترقاه و تخش في خط الخدمة و انواع الدعس عشان تلحق على الحلاق قبل ما يسكر
2. ماشي بسيارتك في في الزحمة ونيتك تخش يمين وداق اشاره يسار
3. رافع على صوت الاخبار في السياره وجالس تكلم بالجوال << ابوك يالزعاطه الكذبيه

الهجولة المتوسطه:

1. تدخل على نقطة تفتيش وانت رافع صوت الغربي .. فاك اليايات وماشي في الخط ومعطل امة محمد وراك
2. تركب في سيارتك جهاز الدوريات (القاق) وتروح تلعب في حسبة الشعب
3. تكون في التحليه ووراك موكب ترقيم توقف وسط الشارع وتفتح الكبوت وتجيب انواع الليات وجوالين المويه ..!

الهجولة العنيفه:

1. المطارحات اللي ما تقل عن انك تصفي أبو الطبلون
2. التفحيط وأنواع العقد والعكسيات والهبال والتحشيش




******** أقــســام المــهجـولين ********

1- المهجول الرئيسي : وهو السائق

وهو اللي على كيفه يتمشى ويختار الشوارع اللي يبي

وله الأولويه لأنه صاحب السياره ، وهو أكثر من يبذل جهد في الهجوله

لأنه طول الطريق مستلم الطاره ولذلك يجب على الباقين أتباع المثل { أهم شي راحة السواق }

2- مستشار المهجول الرئيسي ويسمى : مساعد سواق

يستلم المسجل ويكون مسؤول عن ما يسمى بـــ جو الطلعه

3- المهجولين الفرعيين :الذين يكونون خلف السائق وهؤلاء هم أقل بذلاً للجهد



******** ســيـارات الـهـجـولـه ********


كما نعرف أن السيارة لها دور كبير في الهجوله

الهواء في الكفر موزون ،، والتانكي فل ،، ونظافتها خارجياً وداخلياً أمر هام للغايه

"" الكامري :هي أفضل السيارات زحفاً في الخط ، ولكن عيبها أنها أكثر السيارات شبهه

وبلاغاتها كثيره وهذا يؤدي إلى إحتمال توقيفك من الدوريه بنسبة 98%

"" السوناتا الجديده والهوندا اكورد : عيال عم ولا تقل ميزه عن الكامري

بل لها مميزات أكثر لأن سمعتها نظيفه وتوها نازله

"" الألتيما : لا أعرف عنها سوى أنها سيارة ليست سهله

"" الفورد والمركيز : وينتمون لقبيله مشهوره بأمريكا ميزتها القوه وقدرة التحمل

"" الكرولا والاكسنت : سيارات صغيره إقتصاديه بنزينياً

"" برق الألمان : وهي الفياغرا والــbmw والأودي ، لم أرى يوماً سياره ألمانيه تهجول ولا أدري ماهو
السبب


***********دروس في التفحيط***********


شباب لااحد يطبق الا وهو معزم
مو يكون خايف ترى ان خفت بتجيب التندة

الدرس الاول
(ردة الوجه )
تمشي ستين فما فوق تفضي القير تلف الطاره يمين شوي حبه وبعدين تكسرها يسار مره وحده مع سحبة الجلنط الحركه الاخير مع بعض واللي هي كسرت الطاره

الدرس الثاني
( عقده وحده )
تمشي ما بين الثمانين الى التسعين ويفضل تسعين .... وعلى مشيتك اكسر الطاره يمين حبه ورده بنمره يعني في الثالث وبعدين اكسر يسار مع سحبة جلنط خفيفه مره ..... (تلاحظ ان السياره ردة وجه اعرف انك مشيت الخطوات صحيح ) الحين اذا ردت الوجه اكسر الطاره في عكس الاتجاه وفك الجلنط يعني
لو بديت بردة الوجه والسياره راحة على اليمين اكسر يسار لمى تفك الجلنط

الدرس الثالث
(عكسيه وحده)
تمشي ما بين التسعين الى الميه (ولاحظ ما ابيك تمسك الاوسط ابيك تمسك السايد الايسر ) وبعدين اكسر الطاره يمين ... ولا تلمس الفرامللل ابدددددد وعلى طول بعد ما تكسر يمين اكسر يسار كسره خفيفه مرررررره تكاد لا تذكر مع سحبت الجلنط وخلي الجلنط مسحوب وحاول بيدك ترد الطاره على اليمين بس على الخفيفه مره لين ما توصل السرعه سيتن ساعتها اكسر الطاره مره وحده على اليمين وفك الجلنط .


دروس للمهاره
الدرس الاول (تنطيل) :0-
طبعا انا اشوف ان التنطيل هو اصعب حركه بعد حركة الموت ولاكن وش السوات لان السياره اذا هجة وانت تنطل طبعا بتروح ملح والله يستر عليك وانشاء الله ربي يسكنك جناته ولاكن انا انصحك خط الثانويه أو ( الخط الاصفر ) لان مافيه لا دوريات ولا يحزنون والشارع طوووويل وغير كذا عريض يعني الغشيم بينطل هذي الزبده لووول المهم نبدء الدرس وياليت تركز معي الله يحفظك

تمشي ما بين الميه وعشرين فما فوق ( انت وشطارتك ) وابيك تمسك السايد الاوسط .. طبعا هنا نتطرق الى نقطتين الا وهي ان فيه ناس تنطل بالكسره وفيه ناس تنطل بالجلنط ... طبعا الكسره اضمن وغير كذا اوجه عند الزكرتيه على شان كذا بشرح تنطيل الكسره ... بعد ما تشمي السرعه المطلوبه تكسر كسرت ابو عقاب وهي انك تكسر يمين او يسار ( على حسب انت وش تبي ) وبعدين تكسر في الاتجاه المعاكس كسره قويه يعني راقب معي الخطوط وكاني بانطل من اليمين
---- ------------
--- -----------
-- ----------
فهمت الحين التنطيل كسره على اليمين خفيفه والكسره اللي على اليسار تكون اقوى على شان الاولى تهدي السياره وماتخليها تهج ... اما الثاني تعطيك بور وتعطي السياره نطله قويه وطبعا التفحيط زي عزف العود بالممارسه بتصير طاره وكل واحد وله طريقته بالتنطيل فيه منهم ينطلون بنمر وفيه منهم ينطلون بالجلنط زي ما قلنا وفيه منهم ينطلون بالكسر والكسر اوجه واحسن
واللى مافهم لايطلع لى فيها شاطر
انا قلت لكم وانتوو بكيفك


صور للهجووووله





شوووفووو الجمهووور بس



لا لا مااااااايمديني على هالسياااره روووعه والله اللي يعرف نووعها يقولي




ايش الجمااال اللي كذا نعم نعم انت كذا نعم نعم انتا كذا






صدق لي قالو اذا للجنوون فنووون





قممممممممممممممممه الجنوووووون وقمممممممة التهوور وع الرغم من هذا وذاك ما انسى قمة المتعه

واااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااو




ربك ستررررررررر وكتب لك عمر ثاني












الهجوله ماتفيد الا بتاديب الحديد

فعلا جننتووا الشركااااات الياباااااانيه بالتهوور




******** نـصـائـح عالماشي ********


1- عندما ينفرط شريط في مسجل سيارتك ، دع عنك الغباء واستخدم قلماً بدلاً من مفك

2- عدم إطفاء الأنوار والإقلاع بسرعه متهوره

3- الله الله بأنوار الزينون لكشف الطريق أمامك

4- طلب منك أحدهم فتح الطريق أفسح له المجال وخل عنك العباطه

5- عند هطول الأمطار إلزم المسار الأوسظ لسلامتك

6- إذا كنت مساعد سواق كن صاحب ذوق في إختيارك للأغاني

7- أختم هجولتك قبل بزوغ الشمس بقدر المستطاع !!!!!










طبعا لازم تعرف انت وياه ان ذا السلنتح (الكفار) نفسوهم غاليه عليهم ويكرهون شي اسمه موت
لانهم دارين وش بيصير لهم في الاخره عشان كذا ما تلاقيهم إلا في دنياهم


الهجولة التي هي بأمريكا اسمها (( هجولة السيارات بالهيدروليك الزيت ))

طبعا من اساسيات هذه الهجوله هي:
انه لابد وان تكون السياره قديمه زي التسعاوي وطقته ..لانها تتحمل أكثر من الباقيات ومن الاشياء المهمه ان لازم يكون الجنط مقاس صغير وأسلاك عشان قوة التنقيز


.. هل تعلم ..


ـ هل تعلم أن الارتفاع اللي تطير به السياره الى الاعلى فيه نوع منه يطير الى متر وفيه الى مترين وفيه الى ان توقف السياره على الصدام الخلفي.
ـ هل تعلم أن اثناء الهجولة لابد وان تكون الشخص خارج السياره حتى لايخربالعصعص عليك ولا في قطع غيار . .!
ـ هل تعلم أن أحد تحديات ذا المهبل في لعبة الهيدروليك هو انك توقف السياره على الصدام الخلفي ومن ثم تلقي بالسياره على ظهرها لكي تتكسر << متعوب عليها ذي ..!
ـ هل تعلم إن قيمة كت الهيدروليك لحاله بدون التركيب يبدأ من 10000 إلى 25000 ..
ـ هل تعلم أن في حركات كثيرة بنت كلب تسويها بالهيدروليك تمشي السياره على ثلاث كفرات ترقص السياره يمين يسار يسار يمين تنقز السياره وانت واقف ولا ماغط زي اللي في حرامي السيارات ..




.. بعض الصور ..












^
^
نسيت أقول لكم إنك إذا نويت تركب هيدروليك لازم تنسى شي اسمه شنطة



____انتظر ردودكــــــــــم

_______
الرجوع الى أعلى الصفحة اذهب الى الأسفل
هجولة نت
مشرف
avatar

تاريخ التسجيل : 24/09/2009
المشاركات : 132

مُساهمةموضوع: رد: << الهجــــوله مـــآتفيد الا بتأديب آلحديــــد<<<   السبت مارس 20, 2010 10:19 pm

لساني عاجز عن التعبير وش هاذا الكلام يا معززه

والله كبييير أنا مقدر أتكلم إلا أنك

الكبيره تبقى كبييره
الرجوع الى أعلى الصفحة اذهب الى الأسفل
الفدرالي 2009
مهجول مبدع
avatar

تاريخ التسجيل : 25/10/2009
المشاركات : 131
العمر : 18

مُساهمةموضوع: رد: << الهجــــوله مـــآتفيد الا بتأديب آلحديــــد<<<   الجمعة أبريل 16, 2010 5:59 pm

مشكووووووووووووره على الموضوع معززه
الرجوع الى أعلى الصفحة اذهب الى الأسفل
 
<< الهجــــوله مـــآتفيد الا بتأديب آلحديــــد<<<
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات هجوله غير :: اقسام الهجوله و التفحيط :: منتدى التفحيط والهجوله-
انتقل الى: